"Еуразия Инновациялық Ғылыми-Зерттеу Орталығы"| Халықаралық конференциялар платформасына хош келдіңіз

АҚПАРАТТЫҚ ХАТ.


Еуразия Инновациялық Ғылыми-Зерттеу орталығы, Халықаралық ұстаздар ассоциация (International Teacher Assosiation), Тұран университеті, DAMU Зияткерлік мектебі ұйымдастыруымен, Хан Академиясы Қазақстан (KhanAcademy Kazakhstan), Абай атындағы Қазақ Ұлттық Педагогикалық университеті, Тұран университеті, Болашақ бағдарламасы түлектері қауымдастығы қолдауымен, «Балалар жылы 2022» аясында мектеп оқушылары арасындағы ғылыми зерттеу жұмыстарына қызығушылығын арттыру мақсатында республикалық І дәстүрлі «Зейін-2022 » ғылыми зияткерлік олимпиадасы өткізіледі. Олимпиада мақсаты, балалардың зерттеу дағдыларын дамыту, мектеп оқушыларының интеллектуалдық-шығармашылық әлеуетін ынталандыру, оқушылардың білім мен ғылымға деген қызығушылығын арттырып, өз бетімен іздену қабілетін қалыптастыру, дарынды оқушыларды анықтап, республикамызға таныту. Республикалыұ ғылыми-зияткерлік олимпиадасы ағымдағы жылдың 16-17 желтоқсан күндері, Алматы қаласы, DAMU зияткерлік мектебі базасында өтеді.«Зейін-2022 » ғылыми-зияткерлік олимпиадасына, республика бойынша жас зерттеушілер 1-11 сынып оқушылары, жеке сондай-ақ, командалық құрамда (2 қатысушыдан аспайтын) қатыса алады.Республикалық зияткерлік олимпиада қалалық және республикалық БАҚ қатысуымен жүзеге асады. Құжаттар 05.12.2022ж сағат 00.00 дейін қабылданады.

Қатысу шарттары:

- І дәстүрлі « Зейін -2022 » ғылыми-зияткерлік олимпиадасына қатысу туралы форманы толтыру.

- Ғылыми жұмыстың электронды нұсқасын және презентациясын төменде көрсетілген электрондық почтаға жіберуі қажет.Жұмыстары аталмыш почталарға жіберіледі eurasiainnovation@gmail.com, n.nyshanbayev@turan-edu.kz.

- Ұйымдастыру комитеті республикалық олимпиадағы ұсынылған ғылыми жоба мазмұнын зерттеп, кері байланысқа шығатын болады.

«Зейін-2022» республикалық ғылыми-зияткерлік олимпиадасы гуманитарлық және жаратылыстану, өлкетану және ұлы дала ұландары секцияларынан тұрады. Әрбір қатысушының ғылыми жобасы ұйымдастыру комитеті шешімімен қабылданған жағдайда, ғылыми жұмысты қорғау реті, бағалау кретийлері, олимпиада бағдарламасы қосымша жіберіледі.

Толық ақпарат үшін: 7 702 608 19 66, +7 707 899 2037

«РЕСПУБЛИКАЛЫҚ ЗЕЙІН-2022»

ЗИЯТКЕРЛІК ОЛИМПИАДАСЫ

Жалпы ережелер.

Олимпиаданың негізгі міндеттері:
- зерттеу жұмыстарына қызығушылық танытқан қабілетті және дарынды оқушыларды анықтау және оларға қолдау көрсету;
- оқушылардың үздік жетістіктерін көрсету және насихаттау, өзара қарымқатынастарын ұйымдастыру;
- қоғамның интелектуалдық әлеуетін дамыту проблемасына көпшіліктің назарын аудару.

Олимпиаданы ұйымдастыру және өткізу тәртібі:
  • Ұйымдастыру комитеті республикалық кезеңін дайындауға және өткізуге тікелей басшылықты жүзеге асырады, қазылар алқасының құрамын, қатысушы командалардың тізімін бекітеді. Олимпиада қорытындысын шығарады және жеңімпаздар мен жүлдегерлерді марапаттайды.
  • Қазылар алқасы қатысушылардың жұмыстарын тексереді және бағалайды, жеңімпаздар мен жүлдегерлерді анықтайды.
  • Жұмысты қорғау барысында әрбір қатысушыға 10 минут уақыт беріледі. (7 мин баяндауға, 3 мин, сұраққа жауап беру).
  • Координациялау жұмысы жүргізіледі, апелляция қарастырылмайды.
  • Зерттеу жұмыстары мен шығармашылық жобаларды қорғау слайд түрінде өткізіледі. Қатысушы өзінде электронды нұсқасының ашылуына қосымша мүмкіншіліктер қарастырылуы тиіс.
Олимпиадағы 1−11 сынып оқушыларының зерттеу жұмыстары келесі
секциялар бойынша қабылданады;
І.Бағыт: қазақ тілі мен әдебиеті, орыс тілі мен әдебиеті, ағылшын тілі, тарих.
ІІ.Бағыт: математика, информатика, физика, биология, химия
ІІІ. Бағыт: өлкетану және «Ұлы дала ұландары»
Олимпиадағы ұсынылатын ғылыми зерттеу жобалары келесідей талаптарға сай болуы тиіс:
—Әрбір бағыт бойынша зерттеу жұмыстары теориялық, эксперименттік, инновациялық кретерийлер негізінде бағалатын болады.
—Жұмыстың көлемі 20 беттен аспауы керек. Беттерін нөмірлеу және жиегін қалдыру міндетті.
—Әрбір жұмыста таңдалған тақырыптың мақсаты мен пайдалылығы, автордың қосқан үлесі, құндылығы мен кемшілігі көрсетілген жетекшісінің және маманнаң пікірі болуы керек.
—Жұмыс мәтіні компьютерде WORD, 14 әріп, 1,5 жоларалық, солдан шегініс-2см терілген болуы және мыналардан тұруы керек;
—титул парағы;
—мазмұны;
— түйіндеме (аннотация) -жұмыстың негізгі мазмұнын қазақ және орыс тілдерінде қысқаша баяндау (жұмыстың қандай тілде жазылуына байланысты);
—кіріспе- жұмыстың өзектілігін көрсетеді және тақырыпты, оның мақсаты мен міндеттерін, өткізу орнын таңдауын негіздейді;
—негізгі бөлім: материалдар мен зерттеу әдістері; эксперименттік бөлім; жұмыстың қорытындысы мен оны талқылау;
— әдебиеттерге шолу жасау зерттеу мәселесі бойынша (отандық және шетелдік) әдеби мағұлматтарға қысқаша талдау жасап тұрады;
—қорытынды (тұжырымдамалар, ұсыныстар);
— қолданылған әдебиеттер тізімі.

Титул парағында мыналар көрсетіледі;
- жұмыс орындалған білім беру ұйымының толық атауы;
- жұмыстың тақырыбы;
- бағыты;
- орындаушы ( аты-жөні, сыныбы, мектебі,(қаласы) ауданы, облысы );
- жұмыстың жетекшісі ( аты-жөні,ғылыми дәрежесі,қызметі, жұмыс орны);
- жұмыс орындалған жыл.

Жеңімпаздарды қорытындылау және марапаттау
Олимпиада жұмыстарын бағалау келесі белгілер бойынша жүзеге асырылады;
- жұмысты орындаудағы жеке орындаушылық деңгейі;
- шығармашылық ізденімпаздығы;
- сұрақтарға жауаптардың толықтығы;
- тақырыптың зерттеу тереңділігі мен өзектілігі.

Олимпиада жұмыстарын қорытындылау барысында:
- Әрбір бағыт бойынша, І,ІІ,ІІІ орын иегерлері анықталады. Аталмыш орындардан бөлек, жекелеген номинациялар тағайындалатын болады.
- Жеңімпаздар мен жүлдегерлер ұйымдастыру комитетінің І,ІІ,ІІІ дәрежелі дипломы, Арнайы кубок және «Алғыс хатымен» марапатталады. Барлық қатысушыларға сертификаттар беріледі.Әрбір бағыт бойынша арнайы номинациялар тағайындалатын болады.
- Олимпиаданың әрбір секциялары бойынша І орын иегерлері, 2022 ж маусым айында Түркия Республикасында өтетін халықаралық конкурсқа жолдама алады.

Күні: 16-17 желтоқсан, 2022 ж,
Уақыты: 10.00 тіркелу, ашылу салтанаты.
11.00 олимпиада басталуы.
Мекен-жайы: DAMU Зияткерлік мектебі.
Алматы қаласы, Ақбұлақ ы.а., Хан Шатыр к 1.
Ұйымдастыру комитетінің мекен-жайы:Алматы қаласы, Байзақов к 280. +7 705 214 11 66.
e-mail: eurasiainnovation@gmail.com
Жұмыстар: eurasiainnovation@gmail.com, n.nyshanbayev@turan-edu.kz электронды почталарына жіберіледі. 
Ескерту: Конкурсқа қатысу автоматты түрде қатысушылардың осы ережемен танысуын және толық келісімін білдіреді. Жеңімпаздарды марапаттау және анықтау туралы шешім қазылар алқасының мүшелеріне жүктеледі.             
Барлық жұмыстар 2022ж 5 желтоқсанға дейін қабылданады.

І дәстүрлі республикалық «Зейін -2022 » ғылыми-зияткерлік олимпиадасыны қатысу формасы

Made on
Tilda